Marxaladaha ay soo mareen saami qaybsiga Gobolada Somaliland 1960 - 2015

Yusuf Habiib Hussien

Gudoomiyaha Golaha Wakiilada Mudane Axmed Maxamed Aden (Qaybe), ayaa magacaabay Gudida ku meel gaadhka ee dhammystirka xeerka doorashada Golaha Wakiilada, taariikhdu markay ahayd, 17^kii November 2004.  Oo uu gudoomiye u ahaa Gudoomiye ku Xigeenkii Golaha Mudane Mudane Cabdilqadir Xaaji Ismaciil ( Jirdeh)

Gudida waxaa loo xilsaaray inay soo afjaraan saddex aragtiyood oo guddi hoosaadka arrimaha gudaha ee Golaha Wakiiladu u soo gudbiyeen Golaha Wakiilada oo ku sabsanaa sami qaybsiga Gobolada Somaliland. Waxaa kale oo loo xilsaaray inay soo dhammystiraan xeerka doorashada Golaha Wakiilada.

Gudidan waxaa waajibaadkeeda ka mid ahaa inay ka baaraan degaan saddexda aragtiyood, oo ay soo afjaraan mushkiladdan mudada dheer soo jiitamaysay. Taasoo ah in xubnaha Golaha Wakiiladu kala taageersanyihiin saddex aragtiyood oo kala duwan. Sadexdaasi aragtiyoodna waxay kala yihiin:

1.      In saamiga tiradii kuraasta baarlamaanka ee sannadkii 1960 oo ahayd 33 xubnood loogu qaybiyey 6 degmo ee dalku ka koobnaa, ay sal u noqoto sida maanta loo qaybinayo 82 kuri  Golaha ee la soo dooranayo. Gobolada Somaliland waxay kala heleen

·         Degmada Hargeisa --- 7 Xubnood

·         Degmada Burco --- 6 Xubnood

·         Degmada Berbera --- 5 Xubnood

·         Degmada Boorama --- 5 Xubnood

·         Degmada Ceerigaabo --- 5 Xubnood

·         Degmada Laascaanood --- 5 Xubnood

Naatiijadii Doorashadii sannadkii 1960:

(Source:The Somaliland Protectorate Gazate, Vol XX, No. 11, Hargeisa, 27th February, 1960.)

2.   In tirada maanta gobol waliba ku leeyahay Golaha Wakiilada ay sal u ahaato saamiga laga soo dooranayo Gobol walba taas oo ahayd sidii lagu qaybsaday shir beeleedyadii Borama 1993 – Hargaysa 1997.

3.   In tirada doorashada codbixisaa u ahaato sal saamiga kuraasta xisbi walba iyo Gobol walba ka helayo xubnaha la dooranayo.

Gudidu, iyagoo ogsoon muhiimada ay xal u raadinta mushkiladani u leedahay dhammaystirka doorashooyinka Somaliland, ayey ku dedaaleen sidii ay u heli lahaayeen xal ku meel gaadh ah oo saddexda aragtiyoodba u cuntami kara, tiiyoo saddexda aragtiyood     aan     midna     loo     xaglinaynin     ee     meel     dhexe     layska     taagayo. Ugu   horreyn,   aragtida   sadexaad   ee   ahayd   in   natiijada   codaynta   ka   soo   baxda doorashada sal looga dhigo saamiga xisbi walba iyo gobol walba qaaybtiisa ku helayo, kama muuqato tiro go’an oo ay hadda wax ugu qaybinayso gobolada. Labada aragtiyood ee kalana waxay muujinayaan tiro go’an oo gobol walba loo cayimayo.

Markaasi ka dib, waxaa gudida la gudboonaatay inay guda gasho habkii labada aragtiyood ee kale loo dhexdhexaadin lahaa loona kala xaqsoori lahaa. Waxayna gudidu isla af garatay in labada aragtiyoodba meel dhexe layska taago. Taas oo ah in tirada xubnaha labada aragtiyood siinayaan gobol walba laysku geeyo, ka dibna laba loo qaybiyo si loo helo tirada dhex dhexaadka ah.

Si arrintaasi u suurtogasho, waxaa marka hore lagama maarmaan noqday in la ogaado tirada  xubnaha  ee  aragti  walba  u  qoondaysay  gobol  walba.  Markii  la  soo  qaaday aragtida koowaad ee ku salaysnayd habkii sannadkii lixdankii, waxaa muuqday in tirada kuraastii  lixdankii  ahayd  33  kursi, kuwa maantuna  82  kursi. Sidaasi awgeed waxaa lagama maarmaan noqday in kuraasta gobol walba lahaa sannadkii lixdankii lagu dhufto 2.5. Taasoo markii la xisaabiyay jajab aan xubin noqon karini ka soo hadhay gobolada qaarkood. 

·         Gobolka Tirada xubnaha 1960 Tirada xubnaha X2.5

• Hargeisa                              7             17.5 
• Togdheer                            6              15 
•  Awdal                                  5             12.5 
•  Sanaag                                 5             12.5 
•  Sool                                       5             12.5 
•  Saaxil                                    5             12.5 
•  Wadar                                 33          82

Sidoo kale markii aragtida labaad ee hab beeleedka ku qotontayna la goboleeyay waxaa muuqatay in shanta xubnood ee gudida ahi qof walba u arkay si gooniya tirada gobolada aragtidani u qoondaysay. Taasoo ay ugu wacan tahay beelaha qaarkood oo gobollo dhawar ah dega, qofkiina loo arki karo mid ka soo jeeda gobollo kala duwan. 

·         Gobolka Tirada xubnaha oo gobolysan

• Hargeisa                              24 
•  Togdheer                            14-16 
•  Awdal                                   16 
•  Sanaag                                  11-12 
•  Sool                                       10-11 
•  Saaxil                                    6 
• Wadar                                 82 

Sidaasi awgeed, ayey lagama maarmaan u noqotay in shanta xubnood ee gudida ahi mid waliba gooni ahaantii u xisaabiyo tirada xubnaha ee gobol walba ka helayo tirada isugeynta dhex dhexaadka ah. Markaasi ka dib ayaa laysku geeyey tiradii xubin kasta oo gudida ahi u aragtay in gobol walba heli karo. Halkaasi oo ay ka soo baxday tiro dhex dhexaad ah oo isugeyntii ka soo baxday. Waxayna tiradaasi gobol walba helay noqotay sida soo socota:

·         Gobolka Tirada xubnaha aragtida dhexe

• Hargeisa                     20 
• Togdheer                   15 
•  Awdal                         13 
• Sanaag                        12 
•  Sool                             12 
•  Saaxil                          10

• Wadar                        82

Sidaa darted waxybaaha imika hor yaal xukuumada, Golaha Wakiilada, Golaha Guurtida iyo dhamaan sharciyada dalka in xal loo helo dhamaan su’aal soo socda:

1.      Sidii xal loogu heli lahaa khilaafka saami qaybsiga Gobolada Somaliland ee soo noqnoqday xiliga la gaadho doorashada Wakiilada?

2.      Sidii loo qancin lahaa Gobolada qaadacay doorashada soo socota?

3.      Xildhibanada Gobolka Awdal ee ka baxa Golaha marwalba oo la soo qaado saami qaybsiga Golaha Wakiilada Somaliland maxaa uga meel yaal hadii sidani soo noqoto?

4.      Doorashadu wakhtigeeda?